LAOAG CITY – Indanun ni King Charles III ti pannakipagladingit na kadagiti tattao idiay Myanmar kalpasan ti idadayyeg ti magnitude 7.7 a gingined.
Iti mensahe ni King Charles, inbatad na ti pannakakigtot ken ladingit na karaman ti asawa na iti napasamak a nakatayanen ti nasurok a 1,600 a tattao.
Inpeksa pay ni King Charles ti naiget a pannakipagladingit na kadagiti napukawan ti ipatpateg iti biag ken kasta pay dagiti napukawan ti balay ken pagbiagan.
Kabayatanna, inbatad ni King Charles a sumaysayaaten ti kondisyon na kalpasan a naospital gapu iti pannakarikna na ti side effects manipod iti cancer treatment na.
