LAOAG CITY – Inbatad ti Buckingham Palace a nagtalinaed ni King Charles III iti sumagmamano a gundaway iti ospital kalpasan a nakapasar ti temporaryo a side effects bayat ti cancer treatment na.
Gapu iti daytoy, kinanserlar ni King Charles, agtawen ti 76 ti panagpasyar na iti ciudad ti Birmingham a pagatendaran na koma pay iti uppat nga aktibidad.
Malaksid iti daytoy, naka-schedule pay ti taripnong ni King Charles iti tallo nga ambassador ngem gapu iti napasamak kenkuana ket saanen a matuloy.
Nupay kasta, mangnamnama ti ari a mai-reschedule iti sabali a panawen kagiddan ti panagpadespensar na kadagiti tattao a nagtrabtrabaho para iti panagplano kadagiti iyuswat na koma nga aktibidad.
Maipalagip nga immuna nga inrakurak ti Buckingham Palace a nadiagnose ti ari iti cancer idi Pebrero 2024.
Saan metten a nangipaay ti dadduma a detalye ti Buckingham Palace no ania ti pinasar a side effects iti cancer treatment na ni King Charles.
