LAOAG CITY – Pimmusayen ti nabigbig kas “King Cobra of the North” manipud iti Barangay Aguitap iti ili ti Solsona.
Daytoy ti kinumpirmaran ni Mr. James Remigio, residente met laeng iti nadakamat nga ili.
Segun kenni Remigio, nakagat ti biktima a ni Jhon Lloyd dela Cruz iti Barangay Darasdas bayat ti mabalin a panagbirok na iti uleg nga isu ti datin nga ar-aramiden daytoy.
Inbatad na a kalpasan a nakagat ti uleg ti biktima ket naipan iti Barangay Juan partikular iti agsumsuma no sadinno ket adda pay laeng ti pulso na ngem saanen a makapagna ken agkatkatay.
Kunana nga adda ti kagat iti muging partikular iti ngatoen ti mata na ken iti ima na.
Naamoan nga idi kalman, adda ti dua a naala ti biktima nga uleg no sadinno ket makaadayo pay daytoy.
Maipalagip a nagbalin a viral ti video ti biktima idi sibibiag pay laeng gapo iti panagtiliw na ti uleg.
