LAOAG CITY – Pinirmaanen ni King Maha Vajiralongkorn idiay Thailand ti marriage equality bill para iti panagbalin na a naan-anay a linteg.
Gapu iti daytoy, ti Thailand ti kaunaan a pagilian iti Southeast Asia a nangrekognisar ti same-sex unions.
Naamoan a ti nasao a gakat ket naipasa paylaeng iti senado idi Hunyo ita a tawen.
Nupay kasta, kasapulan ti royal endorsement tapno mapagbalin a naan-anay a linteg.
Ti nasao a linteg ket agepekto paylaeng intono Enero 2025.
