LAOAG CITY – Pormalen nga inyendorsar ni King Maha Vajiralongkorn ni Paetongtarn Shinawatra kas baro a Prime Minister idiay Thailand.
Daytoy ket kalpasan ti pannakapadisi iti turay ni dati a Prime Minister Srettha Thavisin.
Maibilang ni Paetongtarn kas kaubingan a prime minister iti Thailand iti tawen na a 37.
Ni Paetongtarn ket balasang ti napadisi a lider a ni Thaksin Shinawatra ken isuna ti maikadwa a babai nga agserbi kas prime minister iti nadakamat a pagilyan, immuna ti ikitna a ni Yingluck Shinawatra.
Immuna iti daytoy, ti approval ni King Maha Vajiralongkorn ti panagbalin a baro a prime minister ni Paetongtarn babaen ti panangibasa ti sekretaryo ti House of Representatives iti Pheu Thai headquarters iti ciudad ti Bangkok a kabisera ti Thailand.
