LAOAG CITY – Indaulwan ni Hon. Eldritz Viernes ti Sang. Kabataan Federated President ti Probinsia ti maika-pito nga edisyon ti “Kits4kids Education Outreach program” iti cuidad ti Batac.
Ti programa ket nangipaay ti kasapulan unay a suporta dagiti agad-adal ken nagannak iti Barangay Biningan ken Barangay Cangrunaan iti nasao nga ili.
Mainaig iti daytoy agdagup iti 67 nga agtutubo nga agad-adal ti nakaawat kadagiti educational kits, a pakairamanan dagiti nasken nga alikamen iti pagadalan a tumulong kadakuada iti panagadalda.
Naikkan met dagiti nagannak dagiti agad-adal iti food packs.
Daytoy a gannuat, a sinuportaran ti Provincial Government of Ilocos Norte, ket gapu iti nakita a kasapulan dagiti estudyante.
Ti “KitS4Kids” initiative ket paset ti agtultuloy a panagregget ti Sangguniang Kabataan ti Ilocos Norte a mangipaay iti educational ken welfare assistance kadagiti agkasapulan nga agad-adal.
Sakbay iti nakaiwayatan a ti ganuat ket naammuan a naruayen dagiti imun-una a nga edisyon ti nasao a programa, a mangipakpakita iti agtultuloy a dagiti agtutubo ditoy probinsya.
