LAOAG CITY – Sinuspenso ni Mayor Rafael Ralph Benemerito II ti klase iti amin a level iti pribado ken publiko a pagadalan iti ili ti Pagudpud intono bigat.
Daytoy ket gapu iti agtultuloy a mapaspasaran a napigsa a tudo iti nasao nga ili.
Inbalakad ti Mayor a masapul nga agridam dagiti residente tapno maliklikan dagiti saan a nasayaat a pasamak no kumaro ti sitwasyon.
Gagem ti nasao nga addang ket tapno masigurado ti seguridad dagiti estudyante iti nadakamat a lugar.
