LAOAG CITY – Ikonkonsiderar ti Department of Education (DepEd) ti pannakaiyuswat ti make-up classes iti sumagmamano nga aldaw ti sabado.
Gagem ti plano a makakamat iti possible a panagkurang ti ‘classroom days’ gapu iti nasapa a panagleppas ti School Year (SY) 2024-2025.
Iti naiyuswat a panagdengngeg iti House committee on Basic Education and Culture, inbatad ni Department of Education Director Leila Areola a namnamaen a ti School Year 2024-2025 a mangrugi iti Hulyo 29, 2024 ken agleppas iti Marso 31, 2025 ket mangitunda laeng ti 163 nga aldaw para iti academic year.
Nupay kasta, kuna ni Areola a kasapulan paylaeng a konsultaren da dagiti stakeholders seknan iti daytoy nga isyu.
Iti panangsaludsud ni committee chairperson ken Pasig Rep. Roman Romulo no ania a linteg wenno Department of Education Orders ti nakailanadan na nga 180 school days ti minimum para iti school year no sadinno nga insungbat met ni Areola nga awan ti kastoy a paglintegan.
Nupay kasta, inlawlawag ni Areola a ti linteg a nakaipalaunan ti nasao a pammilin a mangdikdiktar ti maximum number ti school days, ti average number ti school days sipud School Year 1993-1994 ket 203 laeng.
Kabayatanna, iti panagsaludsud met ni Kabataan party-list Rep. Raoul Manuel ken ni Areola no kaanu a desisyunan ti nasao a gakat ket insungbat ti Deprtment of Education a makompleto ti konsultasyon ita a bolan.
