LAOAG CITY – Nasuspenso ti klase iti Mariano Marcos State University ditoy ciudad ti Laoag ken iti ciudad ti Batac kalpasan nga adda ti naawat a maipagarop a bomb threat ti nasao a pagadalan.
Segun iti Head Security ti Mariano Marcos State University, ti bomb threat a naawat da babaen ti email ken messenger ket kapada met laeng ti naawat da a bomb threat idi biernes, Nobyembre 14, 2025.
Nangipatungpal met a dagus ti ocular inspection dagiti kameng ti Philippine National Police ken ti K9 Units iti Ilocos Norte Police Provincial Office iti nadakamat nga unibersidad.
Rumrumuar iti nausar nga account a nangipatulod ti bomb threat ket nakanagan adda pay ti profile picture ni Capt. Kerwin Collado, ti pannakangiwat ti Philippine Marines a nakabase iti ili ti Burgos.
Naipalaon iti mensahe ti maipagarop a panagpangta ti maseknan a pabettaken da dagiti school buildings ti nasao nga unibersidad.
Mainaig iti daytoy, inbatad ti maysa a Grade 11 student iti Mariano Marcos State University-Laboratory High School a naipakaammo kadakuada ti bomb threat agarop alas-nuebe itay bigat.
Innayon na a nakabutbuteng ti kastoy a pasamak gapu ta masapol koma a ti pagadalan ket maysa kadagiti maibilang a katalgedan a lugar.
