LAOAG CITY – Natiliw iti border control iti ili ti Badoc ti driver ti van a nagibiyahe kadagiti tallo a Locally Stranded Individual (LSIs) manipod iti Metro Manila.
Segun ken ni Police Major Joseph Tayaban, ti chief of police iti ili ti Badoc, ti nangiturong iti nasao a van ket agtawen ti 55 ken taga Barangay Acosta iti ciudad ti Batac.
Inlawlawag na nga iti imbestigasyon ket awan ti maiyannatop a dokumento ti nasaoa driver ti van manipod iti LTFRB tapno agibiyahe kadagiti LSIs.
Innayon na a gapu iti daytoy ket maibilang a kolurum ti nasao a van.
Mainaig iti daytoy, inpakaammo ni Tayaban a maimpound ti nasao a van ken dagiti kolurum a van ket 200 a ribo a pisos ti multa na.
