LAOAG CITY – Naipilan ti kaso a panaglabsing ti Republic Act 9165 wenno Comprehensive Dangerous Drugs Act of 2002 kontra iti maysa a konduktor ti bus a natiliw iti naiwayat nga anti-illegal drug buy-bust operation iti ili ti Nueva Era.
Ti suspek ket agtawen ti 40, naasawaan ken taga Bolinao, Pangasinan.
Naala iti ikot ti suspek ti 5 a sachet a naglaon ti maatap a shabu ken ti P6,000.00 a boodle money.
Maibilang kas street level individual iti drug watchlist ti Provincial Drug Enforcement Unit ti nasao a suspek.
Iti agdama, nagtalinaed ti suspek iti Philippine National Police iti ili ti Nuev Era ken manamnama a maipisok iti Ilocos Norte Provincial Jail.
Immunan a nnaglikudan ti suspek ti alegasyon kontra kenkuana.
