LAOAG CITY – Inbasura ni Sen. Panfilo “Ping” M. Lacson ti maipagarup nga adda pakainaigan ti asideg nga impeachment trial ni Vice President Sara Duterte-Carpio iti agtultuloy nga imbestigasion ti Senado kadagiti anomalia a flood control project.
Iti rakurak, kuna ni Lacson a maar-aramid laeng daytoy kadagiti politiko a nasapa ti panagkampaniana para iti eleksion iti 2028.
Mainaig iti daytoy, inbatad met ni ex-Senate President Alan Peter Cayetano a saan nga agbalin a rason ti naasideg nga impeachment trial ti Bise Presidente tapno mapasardeng ti imbestigasion ti Senado kadagiti proyekto ti flood control.
Kabayatanna, ti Senate Blue Ribbon Committee iti salinong ti baro a chairman a ni Erwin Tulfo ti agdama a mangiwaywayat iti imbestigasion iti nasao a kontrobersia ken manamnama nga maituloy daytoy iti babaen ti liderato ni Lacson iti flood control anomalies.
