LAOAG CITY – Kinumpirmaran ni Palace Press Officer USec. Claire Castro a ti Konektadong Pinoy bill ket nag-lapse into law.
Segun ken ni USec. Castro iti babaen ti 1987 Constitution aniaman a nailungalong a linteg a saan a napirmaan wenno in-veto ti presidente ti pagilian ket otomatiko nga agbalin a naan-anay a linteg.
Ti Konektadong Pinoy Bill wenno ti Open Access in Data Transmission Act ket gagem na a pasayaaten ti internet access iti babaen ti pannakaipangato ti kompetisyon dagiti service provider, partikular kadagiti nasusulimek a lugar ken iti lawlaw dagiti pagadalan.
Para kadagiti supporters ti nasao a linteg, napintas a damag daytoy gapu ta ad-adda a pumigsa ti kompetisyon ken agbalin a nababa ti internet cost.
Nupay kasta, adda ti panagamak ti sumagmamano a players iti industriya iti nasao a linteg a gagem na a palubusan dagiti baro ken babassit a players nga agpuunan iti imprastraktura ti panangidanun ti data a saanen nga agkasapulan ti national franchise.
