LAOAG CITY – Inpaganetget ni House of Representatives Spokesperson Atty. Princess Abante a sipod idi 2018 ket adda ti pundo para iti rehabilitasyon ken maintenance ti San Juanico Bridge.
Inbatad ni Abante, paset ti adbokasia ni House Speaker Ferdinand Martin Romualdez a maaddaan ti agtultuloy a pundo dagiti programa ken proyekto pakairamanan ti rehabilitasyon ken maintenance ti San Juanico Bridge.
Sungbat daytoy ni Abante iti rakurak ni Senador Imee Marcos a pang-pinta laeng ti gatad a naiyalokar para iti San Juanico Bridge.
Gapu iti daytoy, sinaludsod ni Abante ni Sen. Marcos no ania ti nagbalin a tulongna iti rehabilitasyon ti San Juanico Bridge kas Senador nga addaan ti responsibilidad nga urnosen ti budget ti pagilian.
