LAOAG CITY – Nagkomento ni Sangguniang Bayan Member Macmac del Castillo seknan iti maipagarup a panangiyebkas ni Retired Police Officer Marvin Pascua a ni ABC President Reynaldo Mariano ti nangpatay iti sekretarya na.
Kuna na a nupay naladaw a makita na dagiti immuna a napasamak ket nadanun na iti parte iti nasao a balikas ni retired police Pascua.
Inpetteng pay ni del Castillo nga uray matay ti sibubukel a pamilya na ket awan ti inpangpangta ni Mariano a paltogan na ni Pascua.
Sidadaan nga agaffidavit ni del Castillo seknan iti nasao a sarita ni Pascua.
Inpasingked na nga adda ti video footage a mangipaneknek a ni Pascua ti immuna a kimmarit bayat nga adda da iti uneg ti kuerpo ti pulisya.
Inkalintegan pay ni Mariano a saan na a kabaelan a kugtaran ti ridaw a landok iti baet nga agtawenen ti 73 ti ABC president.
Kuna na a napan kuma nagpamedical ti agnagan ti Nemalyn no pudno a naiparparusisi daytoy iti maipagarup a pannakaikugtar ti ridaw.
Inakusaran met ni del Castillo ni retired police Pascua a kameng ti LGBTQ ken saan pay a benepisyaryo iti AICS.
Kabaayatanna, inlawlawag pay ti konsehal a ti pagliklikawan ti barker da no sadinno a maipatpatukar ti jingle ti bise mayor iti akin abagatan ti civic center.
Saan da nga ammo nga adda ti tattao iti uneg ti civic center gapu ta nakalock daytoy.
