LAOAG CITY – Napili kas baro a presidente ti Philippine Councilors League ni Sangguniang Panglungsod Member Handy Lao.
Daytoy ket kalpasan nga awan ti nanglaban kenkuana na kabayatan ti maudi a panagipila ti kandidaturay idi Pebrero 22.
Segun ken ni Lao, naragsak ti puso na iti baro a posisyon na iti intero a pagilian a Pilipinas.
Immuna iti daytoy, patien ni Lao a babaen iti immunan a panagbalin na nga interim presidente iti Philippine Councilors League ket nabigbig dagiti naaramidan na maipanggep iti panagserbi.
Kabayatanna, inbatad ni Lao a karaman kadagiti baro a plano ti Philippine Councilors League ket ti pannakaiyasideg ti national agencies kadagiti local a gobierno.
Nagyaman met ni Lao kadagiti simmuporta kenkuana nangruna kada Governor Matthew Marcos Manotoc, 1st District Congressman Sandro Marcos ken ni Senator Imee Marcos.
Manamnama a maiyuswat ti eleksyon ti Philippine Councilors League intuno Marso 8.
