LAOAG CITY – Mamati ni Konsehal Jason Perera ditoy ciudad ti Laoag a ti pannaka-amendar ti revenue code iti Laoag City General Hospital ti makitkita na a wagas tapno adda ti pamastrekan iti nasao nga ospital.
Inpakaammo ni Perera a naipinalen dagiti rumbeng a masukatan iti revenue code iti nadakamat nga ospital kas iti bayad ti ambulansya, rate iti kada ken ti maipaay a diskwento kadagiti pasyente.
Kuna na a daytoy ti temporaryo a maaramidan ti lokal a gobierno tapno adda latta ti pamastrekan ti Laoag City General Hospital iti baet ti agdama a sitwasyon ti nasao nga ospital.
Mainaig iti daytoy, inpalgak ni Perera a saan pay a nalawag no ania ti plano ni Mayor Michael Marcos-Keon para iti nasao nga ospital gapu ta iti baet nga addan dagiti pannakisarsarita na iti kallabes ket saanna pay a naibuksilan kadakuada.
