LAOAG CITY – Pinasingkedan ni Sang Bayan Member Jonathan Torralba, Chairman ti Committee on Market iti Badoc, Ilocos Norte a nagsasaritaan dan kada Mayor Maximo Cajigal ti naidanun a reklamo ditoy Bombo Radyo.
Daytoy ket mainaig ti kaawan ti bukod a metro iti kuryente dagiti agup-upa iti tiendaan iti nasao nga ili rason nga agpapada ti bayadan dagiti maseknan.
Iti reklamo a naidanun ditoy Bombo Radyo Laoag, uray bassit laeng ti makunsumo a kuryente ti maysa nga agup-upa ket maipada latta ti bayadan dagiti dakdakkel ti makunsumo na gapu ta maymaysa ti metro ti tiendaan.
Malaksid iti daytoy, adda pay dagiti agrekreklamo gapu ta maipagarop nga adda dagiti um-umyan ken agus-usar ti nagduduma nga appliances.
Kinumpirmaran ni Toralba nga ado dagiti ammo da nga um-umyan iti tiendaan isut gapu na a nagsasaritaan dan nga opisyal ti pannakaipan ti saggaysa a metro dagiti agup-upa.
Kabayatanna, kuna ni Torralba nga awan ti ammo da iti naidanun pay ditoy Bombo Radyo nga adda da dagiti nagbayad iti para iti bukod da a kuntador a sag-tatallo a ribo a pisos ket ti nagbayadan da ket agnagan iti Engr. Fernandez.
Gapu iti daytoy, inbalakad ti konsehal kadagiti maseknan a mapan da iti munisipyo tapno itudo da ti dakdakamaten da nga inhinyero.
