LAOAG CITY – Plano ni Sanguniang Bayan Member Edgar Padayao iti Paoay, Ilocos Norte ti agreklamo ken ni Gov. Imee Marcos gapu ti napasamak nga engkwentro iti nagbaetan da ken ni Mr. Romeo Rumbaoa, Head iti Provincial Security Guard (PSG).
Iti ekslusibo nga interview iti Bombo Radyo ken ni Padayao, inlawlawag na a kwinestyunaran na ti panangpapanaw dagiti gwardya kadagiti ubbing nga aglaklako iti ruwar ti Malakanyang of the North ken insukat dagiti aglaklako ti scramble a maipagarop nga awan ti permit na.
Segun ken ni Padayao, inbatad dagiti aglaklako iti scramble a pinalubusan ida ni Rombaoa nga aglako iti lugar ngem naglikudan na daytoy idi nagsarita da iti telepono.
Nupay kasta, kuna ni Padayao nga idi nagkita da ti personal ket sabalin ti version ni Rombaoa ken inpetteng na nga adda ti permit dagiti maseknan.
Malaksid iti daytoy, kwinestyunaran na pay ti panaggiinum dagiti gwardya bayat a nakaduty da ngem inpetteng ni Rumbaoa nga awan ti dakes na gapu ta mabalin kanu pay kadagiti pulis.
