LAOAG CITY – Nagpila ti election protest ni Sang bayan member Marvin Pascua kontra iti resulta ti 2025 Midterm Elections iti ili ti Solsona.
Inbatad ni Pascua a nagpila iti protesta gapu ta patienna a nabaliwan ti resulta ti nagun-od na a botos iti napalabas nga eleksyon.
Inpetteng na pay a saan a patien dagiti kailian na a saan a nakastrek iti maikawalo a pwesto.
Inpalgak na a ti pakasdaawan na pay ket ti pannakagun-od ti ad-ado a botos ti maysa a kandidato a sipud idi Pebrero agingga a nalpas ti eleksyon ket saan pulos a nagpakpakita ngem isuna a nagkamkampanya.
Innayon na nga ammo payen dagiti tattao a ti dakdakamaten na a kandidato ket saanen nga agsubli ditoy Pilipinas gapu ta agtalinaeden idiay Hawaii.
Ni Pascua ket maika-siyam kadagiti nagpaidasig a para konsehal iti ili ti Solsona iti napalabas nga eleksyon.
