LAOAG CITY – Kalikagum ni Sangguniang Panlungsod Member Jason Perera ditoy siudad ti Laoag nga ilaban agingga iti Korte Suprema pakaseknan iti pannakaipaay ti insentibo kadagiti barangay a nakalpas ti tallo a terminona.
Segun kenkuana, daytoy ket no bilang iyatnag ti desision ti Commission on Audit nga invalid wenno saanda nga ipalubos ti pannakaipatungpal maipapan iti daytoy.
Inbatadna a ti dakdakamaten ti executive department nga adda ti surat iti napalabas a session dagitoy a naipatulod iti Sangguniang Panlungsod ditoy siudad no sadino adda ti panangideklar ti Korte Suprema nga i-invalid ti inpasa ti lokal a gobierno ti Metro Manila a mangipaay ti benepisio kadagiti City Councilors a nakalpas ti tallo a terminona.
Kunana a mamatida nga agbalin a double compensation wenno mamindua nga agawat ti sueldo dagiti maseknan nga opisial.
Nupay kasta, inlawlawag ni Atty. Perera a saan nga agaw-awat ti sueldo dagitoy no di ket honorarium laeng.
Mainaig iti daytoy, kunana nga idiay Makati ket naigetda latta nga ilablaban daytoy iti laksid a namin-adun a daras a nangipaulog ti Commission on Audit nga invalid ti pannakaipaay ti benepisio kadagiti maibilang nga indigent family wenno nakurapay a pamilia.
Kabayatanna, inpasiguradona a mapagnunumoan a naimbag daytoy a banag dagiti padana nga agpanpanday linteg ti konseho ditoy siudad ti Laoag.
