LAOAG CITY – Kiniddaw ni Sangguniang Panlungsod Member Jason Perera iti konseho nga ikonsiderarda ti agdama a lokasion ti Slaughter House sakbay nga aprobaranda ti 40 a milyon a pisos a pundo para iti pannakatarimaanna.
Segun kenkuana, masapol a maadal a naimbag ti lugar a pakaipasdekan ti Slaughter House no sadinno nasken nga awan dagiti maapektaran a residente.
Inbatadna a kasapulan ti naan-anay a panangtingiting iti daytoy a banag tapno saan a masayang ti pundo nga ilatang ti gobierno lokal.
Kunana a masapol a kitaen a naimbag ti nasao a banag tapno awan ti tumaod a problema ken maliklikan nga agparikot dagiti residente.
