LAOAG CITY – Natakaw dagiti para pallot a manok ni Sangguniang Bayan Member Jonathan Torralba, agtawen ti 52, addaan ti asawa ken residente ti iti Bgy 2 Garreta Badoc, Ilocos Norte.
Iti panagreport ni Toralba iti PNP-Badoc, imbaga na a 10 amin dagiti para pallot na a manok a masarakan iti farm na iti Sitio Sagsagat, Brgy. Caraitan, iti nasao met la nga ili nga agbalor amin dagitoy iti 100 a ribo a pisos ket natakaw.
Kuna na a patyen na ti makin-aramid iti pannakatakaw dagiti manok na ket dagiti caretaker na.
Binigbig na dagitoy a da Romy Jadia, addaan ti umno a tawen, residente ti Bgy. Cabatangan, Talisay City, Negros Occidental ken maysa a nabigbig laeng iti alias a “Willy”.
Segun iti opisyal, idi Junio 4, binisita na ti farm na ket nakita na dagiti caretaker na nga agin-inum ken idi July 1 ket binisita na manen ti farm na ngem saan na a nakita dagitoy.
Ditan a naduktalan na nga awanen dagiti nasao a manok ken uray ti kurongkurong a service dagiti cartaker na ket mapukpukaw.
Pinadas ni Toralba a binirok dagitoy inggana a nakita ti nasao a lugan a naabandunar iti sango ti maysa a gasoline station iti Bgy. Magsinggal, Sinait, Ilocos Sur.
Kabayatan na, isagsaganan ti PNP-Badoc ti maipila a kaso kontra kadagiti caretaker ni Sangguniang Bayan Member Toralba.
Segun ken ni P/Insp. Nolly Alejandro, Deputy Chief of Police ti nasao nga ili, ipila da kas regular filling ti nasao a kaso nasao a suspek.
Kuna na a ni alias Willy ket awan pay ti naan-anay a pakabigbigan na ken desidido ti opisyal nga ipilaan na dagitoy ti kaso.
