LAOAG CITY – Inaprubaran ti Sang Panlungsod ditoy ciudad ti Laoag ti 1.6-milyon a pisos a pondo para iti livelihood a maited kadagiti hog raisers a naapektaran ti African Swine Fever (ASF) virus.
Daytoy ti inbatad ni Sang Panlungsod member Handy Lao ditoy ciudad.
Kuna na a ti nasao a pondo ket naala manipod iti General Fund a 1-milyon a pisos ken ti 600 a ribo a pisos ket manipod kadagiti saan a nagasgastos iti 20% Development Fund ditoy ciudad.
Innayon na a ti maawat ti kada hog raiser ket 4 a ribo agingga iti 10 a ribo a pisos, depende no kasanu ti kaado dagiti taraken a baboy a naisakripisyo.
Maipalagip a naikabil iti red zone ditoy ciudad ti Laoag iti kallabes gapu iti kaado dagiti taraken a baboy a naapektaran ti ASF virus.
