LAOAG CITY – Manarimaan ti pannakatratar iti konseho iti Bacarra, Ilocos Norte ti plano a pannakaiyakar ti firing range iti Barangay Libtong iti nasao nga ili.
Daytoy ti inbatad ni Police Major Romel Ramos, ti chief of police iti ili ti Bacarra.
Inlawlawag ni Ramos a pagsasaritaan da ti pannakaiyakar ti firing range gapu ta asideg daytoy iti kamposanto.
Innayon na nga ado dagiti agamak amangan no adda dagiti maiwawa a bala a tumama kadagiti mapan bumisita iti kamposanto.
Segun ken ni Ramos, maysa kadagiti ikonkonsiderar da a pakaiyakaran ti firing range ket iti Barangay Tambidao iti nasao nga ili.
