LAOAG CITY – Inpasan ti ili ti Pinili ti ordinansa para iti libre a panangusar dagiti umili iti ambulansya.
Iti eksklusibo nga interview ti Bombo Radyo Laoag ken ni Vice Mayor Meynard Bumanglag, kinuna na naobserbaran da marigatan dagiti umili iti bayadan da no usaren da ti ambulansya.
Gapu iti daytoy, nagtutulag da iti konseho ken ni Mayor Rommel Labasan a mangipasa da ti ordinansa tapno libre nga usaren dagiti kailian da ti ambulansya.
Kuna na nga uray kadagiti ospital idiay ciudad ti Vigan ti pakaipanan ti pasyente ket libre nga usarenda ti ambulansya, laketdi awan ti sabali a nakausaran na.
Innayon na nga idi pay kampanya a nagtulag da iti Mayor a no mapagasatan da ket masapol a libre ti pannakausar ti ambulansya da.
