LAOAG CITY – Nagkedked ti Korte idiay South Korea iti maikadua a kiddaw a maiyalud-od ti pannakaibalod ti napadisi a ni Presidente Yoon Suk Yeol.
Naarestar ni Yoon iti napalabas a lawas ti insurrection charges nga umuna a Presidente ti South Korea a naibalod iti maysa a kriminal a panangimbestigar.
Inbatad dagiti mangiwaywayat ti imbestigasion, inbasura ti Seoul Central District Court ti panagkiddaw tapno iyalud-od ti pannakaibalod ken ni Yoon.
Daytoy ket kageddan ti desision ti agpada a korte maysa nga aldaw sakbay nga inrakurakna a narigat a makabirok ti umdas a pangibasaran tapno mapatgan ti gagemda.
Nagkedked met ni Yoon a makatinnulong iti sangsangoenna nga imbestigasion ken inpetteng ti legal defense team-na ti kinakurang ti legal authority dagiti agim-imbestigar.
