LAOAG CITY – Inaprubaran ti Korte Suprema ti pagalagadan tapno pagbalinen a simple ti expedite process para iti naturalization kas Filipino citizens dagiti refugees ken stateless persons.
Inisyu ti Korte Suprema ti nasao a pagalagadan kas naiyataday iti konstitusyon a naaprubaran iti naiyuswat a face to face full court session idi Pebrero 15.
Iti babaen ti bileg ti nasao a pagalagadan ket mapalubusanen ti electronic publication ti petisyon nga inpila dagiti refugees ken stateless persons.
Maipalubos payen ti panagsumitir ti petisyon ti unaccompanied child tapno agbalin a Filipino citizen a mabalin nga agpila iti babaen ti DSWD ken local Social Welfare and Development Office a nakaipakustodyaran ti ubing.
Segun iti Korte Suprema, agepekto daytoy, 15 nga aldaw kalpasan ti pannakaipublikar na iti pagiwarnak.
