Indeklara ti Korte Suprema a maikontra iti konstitusion ti regulasion ti Bureau of Internal Revenue (BIR) a mangikalikagum kadagiti self-employed professionals a mangisubmitir kadagiti rates ken mangirehistro kadagiti appointment books-da.
Iti desision ti Korte Suprema nga insurat ni Senior Associate Justice Marivic Leonen, kunana a ti Section 2 ti Revenue Regulations No. 4-2014 ket maikontra iti konstitusion ken kinapribado dagiti kliyente.
Daytoy nga order ti Bureau of Internal Revenue ket tumukoy kadagiti self-employed professionals no sadino a kasapulan nga isubmitir da ti affidavit ti income da kadagiti kliyente, wagas ti panagsingir ken panangipakat ti service fee.
Malaksid iti daytoy, inbilin pay ti Bureau of Internal Revenue nga irehistro dagiti self-employed professionals dagiti appointment books-da a naglaon iti nagan dagiti kliyenteda, dagiti aldaw ken oras ti panagkitada iti kliyente.
Kabayatanna, karaman kadagiti nailasin a self-employed professionals ket dagiti abogado, doktor, Certified Public Accountants, Engineers ken kapada a propesional a saan nga empleado ti aniaman a kompania.
