LAOAG CITY – Sinuportaran ti Supreme Court ti kaudian a memorandum nga inisyu ti Office of the Ombudsman a mangikkat iti pagalagadan tapno maaddaan ti access iti Statement of Assets, Liabilities and Net Worth (SALN) dagiti public officials.
Segun iti Korte Suprema, bigbigbigen na ti constitutional right ti publiko tapno maaddaan ti access iti impormasyon, rekord ken dokumento nga addaan met ti reasonable conditions a naiyataday iti linteg.
Dinakamat ti kangatoan a korte ti 2012 ruling mainaig iti public access iti SALN, personal data sheet, ken curriculum vitae dagiti public officials kas iti SC justices ket maipalubos babaen iti constitutional rights ken masapol a masurot ti probisyon iti R.A. No. 6713, ti implementing rules ken regulations, ken ti guidelines.
Inbatad pay ti Korte Suprema nga iti babaen ti A.M. No. 09-8-6-SC, dagiti kopya iti Statements of Assets, Liabilities, and Net Worth (SALN), Personal Data Sheets (PDS), ken Curriculum Vitae (CV) kadagiti Justices iti SC ket maikiddaw manipud iti Office of the Clerk of Court ken nasken nga aprubaran ti Court En Banc.
Masapol pay a ti kiddaw kadagiti dokumento ket masapol a masuratan ti request a makita iti website ken nasken a ti rason ket maipan pay mismo iti request form.
Mainaig iti daytoy, inbatad ti korte a dagiti media nga agkiddaw iti daytoy ket masapok a mangipakita ti proof of media affiliation ken accreditation.
Nupay kasta, inlawlawag ti Supreme Court nga iti agdama ket i-update da ti rules ken forms para iti access iti impormasyon.
Basar met iti Civil Service Commission, dagiti head dagiti personnel wenno administrative unit wenno unit/human resource management office ket ited na amin dagiti orihinal a kopya ti SALNs to kadagiti maseknan nga opisina ken kadagiti met SC justices, ti repository office para iti SALNs da ket ti mismo a Clerk of Court iti Supreme Court.
