LAOAG CITY – Maysa a professional stunt driver ti nakagun-od ti world record kalpasan a nag-bungee jump isuna a nakalugan ti kotse.
Kinumpirmaran ti records keeping organization a Guinness World Records a ni Laurent Lasko ti baro a record holder ti titulo nga “Highest Car Bungee Jump.”
Daytoy ket kalpasan a nag-bungee jump kabayatan a nakalugan iti maysa nga sports utility vehicle manipud iti maysa a crane nga adda ti kangatona a 213 a kadapan.
Naiyuswat ti record breaking attempt ni Lasko iti maysa a business district iti Puteaux area iti Paris, France.
Basar iti nangorganisar ti record breaking attempt, ti inusar a bungee cord para iti daytoy ket naaramid iti walo a natitibker a cord tapno maipasigurado a natalged ti panagtapuakna.
Kalpasan ti naballigi a bungee jumping, dagus a napadayawan ni Lasko ti Guinness adjudicator no sadinno a malaksid iti panagbalin nga stunt driver, ni Lasko ket maysa pay a professional car racer.
