LAOAG CITY – Nagsinapgud ti maysa a kotse ken motorsiklo,iti paset ti Laoag-Vintar Road, Rizal St., sakupen ti Brgy. 23, San Matias ditoy Siudad ti Laoag.
Segun ken Police Corporal Aldrin Ramil, duty investigator ti PNP Laoag Traffic Division, bayat a dumaldalyasat ti motorsiklo nga Honda TMX nga agmaris ti nangisit, nga agpadaya ket kellaat a nagdinnapgud da iti nangiturong ti kotse a Toyota Altis nga agamaris ti nalabbaga nga agpabagatan.
Basar ti imbestigasion, ti nakakotse ket naggapo ti Vintar Road a mapan kuma gumatang ti sidaen na idinto a ti motorsiklo ket agawid kuman iti ili ti Dingras.
Gapo iti daytoy, nagsagaba ti sugat ti driver ti motorsiklo iti saka na idinto a saan met a naan-ano ti driver ti kotse.
Naitaray met ti driver ti motorsiklo iti Gov. Roque Ablan Sr. Memorial Hospital,para iti naananay a panakataming na.
Innayon na nga awan met ti impluwensya ti nasanger dagiti driver.
