LAOAG CITY – Nagsagaba ti sugat iti nagduduma a paset ti bagi ti driver ti kotse kalpasan a nagbaliktad ken naidungpar iti alad ti maysa a pagtaengan iti Brgy. Napu iti ili ti Badoc.
Ti driver ti kotse ket agtawen iti 43, maysa a negosiante ken residente iti nasao met laeng a barangay.
Basar iti Badoc Municipal Police Station, kabayatan a dumaldalyasat ti kotse nga agpa-abagatan ket kellaat a napukawan ti kontrol ti manibela a nangitunda ti pannakaidungparna iti alad ti balay.
Kabayatanna, dagus met a naitaray iti kaasitgan nga ospital ti driver ti kotse.
