LAOAG CITY – Inrakurak ti Philippine National Police (PNP) nga adda ti 27,306 focus crimes a naireport manipud January 1 agingga iti October 9, 2025, 14% a nababbaba iti tally ngem iti kapada a panawen idi 2024.
Iti maysa a press conference, kuna ni PNP spokesperson Police Brigadier General Randulf Tuaño nga umabot iti 31,878 focus crimes ti nairekord iti kapada a panawen idi naminsan a tawen.
Ti Focus crimes ket dagiti walo a serious offenses kas iti murder, homicide, physical injury, rape, robbery, theft, carnapping of motor vehicles, ken carnapping of motorcycles.
Kunana a ti kangrunaan a bumabbaba kadagiti walo a focus crimes ket ti kaso a rape a bimmababa iti 22%. Sinaruno ti kaso ti robbery a bimmaba iti 17.35% idinto a ti physical injury ket 16.42% ti nagbabaan na ken ti robbery 16.21%.
