LAOAG CITY – Inpakaammu ti United Nations a ngimmato ti kaso dagiti krimen a pakaibilangan dagiti agtutubo idiay Israel ken Palestine.
Segun ken ni Virginia Gamba, ti special representative ti secretary-general iti United Nations, nga umabot iti 155 a porsiento ti nagngatuan ti panaglabsing iti karbengan daiti ubbing.
Sipud idi rimsua ti rinnupak iti nagbaetan ti Israel Defense Forces ken dagiti militante a grupo a Hamas, ket umaboten iti sumagmamano a ribu dagiti natay nga agtutubo idiay Palestine.
Maipalagip nga idi napan a lawas ket inkabil ti United Nation ti Israel iti ‘blacklist’ dagiti pagilian, gapu kadagiti panakadangran ken giyera a mapaspsamak agingga ita.
