LAOAG CITY – Agsublin ditoy Pilipinas ni TV Host ken Actress Kris Aquino kalpasan ti dua a tawen a nagpaagas idiay Estados Unidos gapu iti sakitna nga autoimmune diseases.
Iti online post-na, nagdesision daytoy nga agawid gapu ta kalikagumna a makaala ti suporta manipud kadagiti pagayamna.
Makita met kadagiti ladawan a nakalugan daytoyen iti eroplano kaduana dagiti sumagmamano a pagayamna a ni Michael Leyva.
Kunana a nagawid isuna gapu ta mangrugi ti immunosuppressant infusions-na inton sumaruno a dua a lawas.
Inpettengna nga iti baet nga adda ti innem nga autoimmune disease daytoy ket kalikagumna nga agbalin nga intact ti vital organs-na.
