LAOAG CITY – Dimmawat ti pammakawan ni Kris Aquino iti pamilia ti dati a nobiona a ni Dr. Mike Padlan.

Inlawlawagna a ti naudi nga online post-na ket kas maysa a makagura nga ex- girlfriend gapu iti sakitna ket saan a naipangpangruna.

Inbatadna a binayadanna ti serbisio ni Dr. Mike kas travel doctor ken saan daytoy a nagkiddaw ti refund.

Ti doktor pay ti simmurot iti flight-na nga agturong idiay Houston ngem saanen a simmurot idiay Los Angeles.

Idi 2024 idi nangrugi ti panagpagayamda nga uray nagsinadan ket ad-adda a pinilina dagiti nararagsak a gundaway a kaduana isuna.

Nagbalin a long distance ti relasion ti dua no sadinno nga iburburayna ti marikriknana a sakit kenkuana.

Naammoan a ti kabsat a babai ti dati a nobiona ket nagbalinen nga asideg kenkuana.

Kabayatanna, nagyaman ti Queen of all Media kadagiti amin nga agkarkarag kenkuana para iti panagpaimbagna.