LAOAG CITY – Napaisem ni Kris Aquino dagiti fans-na kalpasan a nagpakita daytoy iti publiko iti umuna nga appearance-na kalpasan ti sumagmamano a tawen iti People of the Year 2025 event ti maysa a magazine.
Nagatendar ti Queen of All Media iti programa tapno suportaran ti nasingedna a pagayamna a maysa a fashion designer a ni Michael Leyva a maysa kadagiti napadayawan.
Basar kadagiti ladawan ken bidyu, makita ni Kris a kaduana ni Leyva pakairamanan ti anakna a ni Bimby.
Nasalun-at ken radiant ni Kris a nakasuot ti yellow a top, maysa a floral a palda ken fuchsia pink a blazer.
Maipalagip a nabayagen a makilablaban iti autoimmune diseases sipod pay idi 2018 ni Kris ken palawagna a marigatan isuna nga agriing gapu iti baro nga agas isu a simmangpet daytoy iti programa a naladaw.
