LAOAG CITY – Kinumpirmaran dagiti agasawa a Kristine Hermosa-Sotto ken Oyo Sotto a maaddaan danton ti maikanem nga anak.
Bayat ti interview kadagiti dua ket madlaw ti saan a mailadawan a kinaragsak da ken kunada a magagaran da unayen a makakita iti sabali manen a parabor kadakuada ti Diyos.
Inadmitir ni Kristine a saan da a ninamnama ti idadateng ti maikanem nga anakda ken ni Oyo ngem kunana a panagrikna da ket agdadamo da paylaeng a maaddaan ti anak.
Inbatad ti agtawen ti 40 a ni Kristine nga awan pulos ti naidumduma a marikrikna na, ngem kuna ni Oyo a ti laeng nadlaw na iti asawa na ket paggugusto nan ti “wagyu”.
Inpakaammo dagiti agasawa a saan a nalaka ti maaddaan ti ado nga anak, narigat ngem naidumduma ti kinaragsak na.
Da Kristine ken Oyo ket addaanen ti annak nga isuda Kristian Daniel, Kaleb Hanns, Marvic Valentin, ken Vittorio Isaac.
Naamoan a ti maikanem nga agbalin nga anak da Kristine ken Oyo ket baby boy.
