LAOAG CITY – Saan nga ikankano ti Department of the Interior and Local Government (DILG) nga adda ti agus-usar kadagiti kuarta manipud kadagiti iligal a Philippine Offshore Gaming Operators (POGO).
Segun ken ni Interior Secretary Benhur Abalos, kas kadagiti iligal a sugal, iligal a droga ket saan nga adayo nga adda metten ti kuarta a maipapaay kadagiti pulitiko tapno mausar iti panagkampaniada.
Gapu iti daytoy, naiget ti pammilin daytoy kadagiti opisial ti gobierno a dagitoy ket mabalin a sumangoda ti kaso no bilang mapaneknekan nga umaw-awatda iti iligal a kuarta para iti kampania.
Inpasigurado ti opisial a naiget ti Philippine National Police tapno mabantayan dagiti nasao nga iligal a Philippine Offshore Gaming Operators iti pagilian.
