LAOAG CITY – Inbatad ni Doctor Alan Taylan a ti sakit a kulibra ket mikrobyo a ti epekto na iti bagi ket arigna agkarindanom a nasakit.
Kuna na a ti kaadoan a maap-apektaran iti nasao a sakit ket dagiti nataengan.
Inlawlawag na a mabalin nga uray ania a paset ti bagi ket maapektaran.
Innayon na a karaman pay a sintomas a mapasaran dagiti agsakit ti kulibra ket ti panaggurigor, trangkaso, agsakit ti ulo, alisto a mabannog ken dadduma pay.
Inpasigurado ni Doctor Taylan a saan nga ipatay ti pasyente ngem makapasar laeng ti nakaro a sakit iti paset ti bagi nga apektado ti kulibra.
Nupay kasta, kuna na a saan a dagus nga agsardeng ti mapaspasaran a sakit gapu iti kulibra gapu ta mabalin nga umabot pay iti makatawen.
Inbalakad ni Doctor Taylan a tapno saan nga alisto a makaptan ti nasao a sakit ket masapol a papigsaen ti resistensya.
