LAOAG CITY – Simreken iti baro a lebel ti kumarkaro a gubat iti Middle East kalpasan dagiti nakaro a panagatake iti napapateg nga imprastruktura ti enerhiya iti rehiyon, no sadinno a mapagam-amkan ti epekto daytoy iti seguridad ken ekonomiya ti lubong, karaman ti awan kasiguradwan na no kaanu a malpas ti tension.
Nasuruken a tallo a lawas sipud nangrugi ti gubat idi Pebrero 28 kalpasan ti nagtipon a pwersa ti Estados Unidos ken Israel a nangbomba iti Iran.
Iti agdama, saan laeng a limitado iti direkta a gubat dagiti militar no di ket lumawlawa iti istratehiko a panangpuntirya kadagiti pasilidad ti langis ken gas.
Maipalagip a kadagiti kaudian a panagatake ket natamaan ti sumagmamano a pasilidad ti enerhiya iti rehiyon, karaman ditoy ti Largest South Pars gas field ti Iran, a maysa kadagiti kadakkelan a reserba ti natural gas iti lubong ken napateg a suplay ti enerhiya ti pagilian.
Kas panagibales, nangipatugpal ti Iran kadagiti drone attacks a timmama iti Mina Al-Ahmadi refinery iti Kuwait ken iti Ras Laffan natural gas facility iti Qatar, dua a kapatgan nga energy hubs iti Gulf region.
