LAOAG CITY – Balligi a naisayangkat ti taripnong dagiti mangbukbukel ti Provincial Ecological Solid Waste Management Board iti Ilocos Norte Agriculture and Fisheries Extension Center.
Daytoy ti inpakaammo ni Engr. Pedro “Pete” Agcaoili Jr., officer-in-charge ti Ilocos Norte Environment and Natural Resources Office (INENRO) a karaman kadagiti napagsasaritaanda ti kundisyon dagiti inbunong ni Gob. Matthew Marcos Manotoc itay kallabes a garbage compactor.
Nupay kasta, kunana a naammoanna a kaaddoan kadagitoy ti adda ti problema ti “clutch” dagiti nasao a lugan.
Inpalagipna nga iti pannakaiyawat kadagiti maseknan a lokal a gobierno kadagiti nasao a garbage compactor ket naipaima met kaniada ti panangsaluadda wenno panangpatarimaanda no kasapulan.
Malaksid iti daytoy, inbunannag ni Agcaoili a natratar pay ti pakaseknan ti Plastic Resource Recovery and Recycling Facility (PRRRF) ti probinsia naiyestablisar iti ili a Marcos.
Inlawlawagna nga adda pay dagiti kasapulan a maikapet a gadget wenno kagamitan sakbay nga agoperar.
Imbatadna a kalpasan daytoy ket maisagana ti budget pakairamanan ti pagbayad ti kuryenrte ken no ania ti “scheme” a nasken a masurot pakaseknan iti pannakaala dagiti marecycle a basura pakairamanan dagiti maaramid a produkto.
Kabayatanna, adda metten ti kinanegosiar ti gobierno probinsial a manggatang kadagiti maaramid a produkto.