LAOAG CITY – Naduktalan ti Ilocos Norte Electric Cooperative wenno INEC a ti kuralapnit ti maitudtudo a rason ti panagpukaw ti kuriente kadagiti sumagmamano a lugar ditoy probinsia.
Daytoy ket babaen kadagiti panangiwayatda ti inspeksion kadagiti linya ti kuriente.
Basar iti Ilocos Norte Electric Cooperative, dagiti makapaspasar ti panagawan iti serbisio ti kuriente ket iti ili ti Paoay, San Nicolas ken ditoy siudad ti Laoag.
Mainaig iti daytoy, naammoan ti kooperatiba a dagiti kuralapnit ti adda iti likudan no apay a kellaat nga agpukaw ti kuriente dagiti member consumers kadagiti nadakamat a lugar gapu iti pannakakuriente dagiti kuralapnit a mangitunda ti pannakaapektar ti service lines.
Nagyaman met ni Mr. Cipriano Perry Martinez, Acting General Manager ti Ilocos Norte Electric Cooperative ti pannakaawat dagiti member consumers maipanggep iti nasao a pasamak.
