LAOAG CITY – Kinumpirmaran ni Provincial Director Police Senior Supt. Cesar Pasiwen a kurang dagiti pulis ditoy probinsya nga agbantay ita nga eleksyon isut gapu na a nagkiddaw da iti regional headquarters da.
Malaksid ti daytoy, kuna ni Pasiwen nga ado pay dagiti kameng ti Philippine Army a naiwaras iti nagduduma a barangay ditoy probinsya para iti daytoy pannakaisayangkat ti Barangay ken SK elections.
Gapu ti daytoy, nagpanawagan ti provincial director iti publiko a no adda dagiti agharharass iti bukod da a lugar ket tumawag da laeng iti PNP.
Segun ken ni Pasiwen, nasurok a 500 dagiti kameng ti pulisya idinto a 80 a kameng ti Philippine Army ti nakawaras iti agdama iti intero a probinsya.
Inpakaammo na a ti kangrunaan a tututukan da iti agdama ket iti Barangay Buyon iti ili ti Bacarra, kasta met idiay ili ti Marcos ken dadduma pay a lugar ditoy probinsya a pakapaspasamakan ti maipagarop a panagharass.
