LAOAG CITY – Nagsagaba ti gasgas iti ulo ti driver ti kurong-kurong kalpasan a nakadinnungpar na ti kotse iti Batac-paoay road binisinad ti Barangay Quiling Sur iti ciudad ti Batac.
Nabigbig ti driver ti kurong-kurong a ni Renjer Corpuz y Fontanilla, agtawen ti 25,awanan ti asawa ken residente iti Barangay Pambaran iti ili ti Paoay idinto a ti nangiturong ti kotse ket ni Nathaniel Dulay y Jimenez, agtawen ti 20, estudyante ken residente iti Barangay Paratong iti nasao met laeng nga ili.
Segun kenni Police Major Allan Emerson Dauz, ti chief of police ti PNP-Batac, agturong iti ili ti Paoay dagiti dua a behikulo ngem ti kotse ket awan iti linya na ken ti kurong-kurong nga adda iti husto a linya ket awan ti silaw na.
Inbatad na a nagdinnungpar dagiti dua a behikulo ken naikkat ti bumper ti kotse idinto a ti kurong-kurong ket nabaliktad a nangitunda ti pannakaiwarwara ti karga na.
Nupay kasta, kuna ni Dauz a saan a nakana a sugat ti sinagaba ti driver ti kurong-kurong ken dagiti nakalugan iti kotse.
