LAOAG CITY – Kinumpirmaran ti Department of Migrant Workers (DMW) nga inadmitiren ti Kuwaiti national nga isuna ti prime suspect iti pannakatay ti maysa nga overseas Filipino worker a ni Dafnie Nacalaban.
Segun ken ni Department of Migrant Workers Sec. Hans Leo Cacdac addaan da kadagiti valid report nga immamin ti prime suspect.
Kunana nga awan pay ti naan-anay a detalye gapu ta iyur-uray da pay laeng ti official report.
Iti agdama, nakakulong ti Kuwaiti national kadwa na ti asawa na, agraman ti aman ken ti ububing a kabsat na a naglemmeng idi napapatay ni Nacalaban.
Kabayatanna, inbatad ni Ccadac nga iyur-uray da ti agbalin a desisyon seknan iti indictment ti suspek tapno magun-od ti hustisya para iti pimmusay a Pinay worker.
Maipalagip a nabirokan laengen ti bangkay ni Nacalaban nga agrup-rupsan iti maysa kadagiti pagtaengan ti Kuwaiti national idi Disyembre 31, 2024.
