LAOAG CITY – Inburay ti aktres a ni Kylie Versoza ti saan a napintas a kapadasanna idiay Boracay.
Iti online account-na ket inburayna a nakagat isuna ti jellyfish kabayatan ti panaglangoyna iti baybay.
Gapu iti insidente ket naggurigor daytoy ken saanen a nakaruar iti kaaldawan mismo ti paskua.
Naammoan a kadagiti dadduma a post ket inpakitana dagiti nararagsak a ladawan kabayatan ti pananglangoyna idiay Boracay.
Ni Versoza ket nagballigi kas Miss International idi 2016 ken nagbalin a maikanem a Filipino beauty queen a nangiyawid ti korona.
