LAOAG CITY – Engaged-sen ti aktres a ni Kylie Verzosa iti non-showbiz boyfriend daytoy a ni Emil Eriksen.
Inburay daytoy ti maysa a lifestyle magazine dagiti ladawan ni 2016 Miss International no sadinno a nakasuot daytoy ti maysa nga engagement ring.
Naammoan a kadagiti dadduma pay a ladawan ket makita a kadua ti beauty queen ti nobiona.
Tawen 2024 idi inyam-ammo ni Kylie iti publiko ti nobio iti babaen ti maysa a video iti social media.
Sipod idin ket inburay ti dua iti social media dagiti ladawanda kadagiti biaheda iti ballasiw taaw.
