LAOAG CITY – Inadmitir ni KZ Tandingan a nabayagen a kayat ti asawa na a ni TJ Monterde a maaddaan da ti anak.
Nupay kasta, inadmitir ni KZ a saan pay a nakasagana nga agbalin nga ina gapu ta ado pay dagiti kalikagom na nga aramiden aglalo iti karera na.
Inlawlawag ni KZ a saan laeng a pinansyal nga aspeto ti rebbeng nga ikonsiderar iti panagsagana iti panagbalin a nagannak.
Para kenkuana, maysaa daytoy a tungpal biag a responsibilidad isut gapuna a rumbeng a kayat ti maysa a tao ti agbalin a nagannak saan a gapu iti pressure wenno ideya nga adda ti mangaywan wenno mangtaripato iti panagtaeng na.
Mainaig iti daytoy, inbatad met ni TJ a respetaren na no aniaman ti kalikagom ti asawa na no sadinno a kunana pay nga awan ti problema no saanda man nga agbalin a nagannak.
